https://www.youtube.com/watch?v=siFjlAnmba4
Dy shpërthime të fuqishme kanë tronditur një metro sot në Shën Petersburg të Rusisë, duke shkaktuar shumë të plagosur dhe të paktën 10 viktima deri më tani.
Agjencitë e lajmeve ruse TASS dhe Interfax raportojnë se nga shpërthimi në stacionin e metrosë Sennaya Ploshchad, ka shumë të plagosur, ku numri i tyre deri më tani shkon në 50.
Në internet po qarkullojnë fotot e para që tregojnë tymin dhe një nga pjesët e metrosë së dëmtuar, raporton “Mirror”. Nuk dihet ende me çfarë ka lidhje kjo ngjarje.
Pamjet e rënda nga vendi i ngjarjes tregojnë trupa njerëzisht të shtrirë në tokë mbuluar nga gjaku, ndërkohë që raportohet se janë mbyllur 3 metro, si pasojë e shpërthimit.
Dëshmitarët okularë thonë se ndodhi një shpërthim teksa thuhet se mund të kenë qenë dy bomba që kanë shpërthyer.
Presidenti rus Vladimir Putin, i cili ndodhet në këtë qytet, është informuar rreth asaj që ka ndodhur thonë mediat ruse.